RH: Denmark ayaa billowday sharciyo cusub oo ku saabsan oggolaanshaha deganaanshaha laga bilaabo 1-da Luulyo 2024. Isbeddelada ugu muhiimsan waxay saameeyeen habka dib-u-mideynta qoysaska. Halkan waxaa ku jira laba isbeddel oo muhiim ah:
- Lacagta deebaajiga ee lammaanaha ku nool Denmark ayaa hoos loo dhigay kala bar, taas oo ka dhigan in hadda ay tahay 57,000 DKK halkii ay ahayd 114,000 DKK.
- Shuruudaha isdhexgalka ee hore looga rabay lammaanaha, sida in imtixaanka luqadda Danish-ka heerka 3 (Prøve i Dansk 3) la gudbo, waxaa beddelay in qofka uu ku tusi karo shan sano oo uu si buuxda uga shaqeynayay shaqo ay ku lug leedahay isticmaalka luqadda Danish-ka.
Isbeddeladan waxay muujinayaan in Denmark ay ka yara dabacday sharciyadeeda socdaalka, maadaama wadanku uu u baahan yahay shaqaale badan oo soo galooti ah sababo la xiriira hoos u dhaca dhalashada iyo dadkoo sii gaboobaya. Warbixin ay soo saartay Copenhagen Post ayaa sheegtay in 9 ka mid ah 10 shaqaale cusub oo Denmark la shaqaaleysiiyay sanadkii 2023 ay ahaayeen soo galooti.
Waxaa la xusay in Maria Clara Medeiros oo ka socota barnaamijka Last Week in Denmark ay wareysi la yeelatay Liliana Nunez-Andersen, oo ah arday PhD ah oo wax ka barata Jaamacadda Koonfurta Denmark, taas oo cilmi baaris ku sameysay haweenka Latin Ameerika ee Denmark u yimaada habka dib-u-mideynta qoysaska.
Diyaarinta: Mohamed-Amiin